ਬੀ.ਸੀ : ਸੰਘੀ ਅਤੇ ਸੂਬਾਈ ਸਰਕਾਰ ਦੁਆਰਾ ਫੰਡ ਕੀਤੇ ਗਏ 30 ਮਿਲੀਅਨ ਡਾਲਰ ਦੇ ਪ੍ਰੋਜੈਕਟ ਦੇ ਹਿੱਸੇ ਵਜੋਂ ਉੱਤਰੀ ਸਰੀ, ਬੀ.ਸੀ. ਵਿਚ ਇਕ ਨਵੀਂ ਟਰੱਕ ਪਾਰਕਿੰਗ ਦੀ ਸਹੂਲਤ ‘ਤੇ ਇਸ ਮਹੀਨੇ ਕੰਮ ਸ਼ੁਰੂ ਹੋ ਰਿਹਾ ਹੈ।
ਨੌਰਥ ਸਰੀ ਟਰੱਕ ਪਾਰਕਿੰਗ ਫੈਸੀਲਿਟੀ ਦੀ ਉਸਾਰੀ ਦਾ ਕੰਮ ਅੱਗੇ ਵਧ ਰਿਹਾ ਹੈ। ਜਿਸ ਨਾਲ ਕਮਰਸ਼ੀਅਲ ਟਰੱਕ ਓਪਰੇਟਰਾਂ ਨੂੰ ਲੋਅਰ ਮੇਨਲੈਂਡ ਵਿਚ ਟਰੱਕ ਸਾਈਡ ਤੇ ਰੋਕਣ ਤੇ ਆਰਾਮ ਕਰਨ ਲਈ ਇੱਕ ਹੋਰ ਸੁਰਖਿਅਤ ਸਹੂਲਤ ਵਾਲੀ ਥਾਂ ਪ੍ਰਦਾਨ ਕੀਤੀ ਜਾਵੇਗੀ। ਨਵੀਂ ਟਰਕ ਪਾਰਕਿੰਗ ਸੁਵਿਧਾ ਪੋਰਟ ਮੈਨ ਬ੍ਰਿਜ ਦੇ ਬਿਲਕੁਲ ਹੇਠਾਂ ਤੇ ਪੂਰਬ ਵਲ ਹਾਈਵੇਅ 17 ਦੇ ਉਤਰ ਵਾਲੇ ਪਾਸੇ ਸੂਬਾਈ ਜ਼ਮੀਨ ਉਤੇ ਬਣਾਈ ਜਾ ਰਹੀ ਹੈ। ਪੂਰੀ ਹੋਣ ਤੇ ਇਸ ਸਹੂਲਤ ਵਿਚ ਲਗਭਗ 100 ਟਰੱਕਾਂ ਦੀ ਜਗਾ ਹੋਵੇਗੀ। ਇਸ ਵਿੱਚ ਵਾਸ਼ਰੂਮ, ਫੈਸਿੰਗ, ਵਧੀਆ ਲਾਈਟਾਂ ਤੇ ਹੋਰ ਸੁਰਖਿਆ ਉਪਾਅ ਸ਼ਾਮਲ ਹੋਣਗੇ। ਇਸ ਪਾਰਕਿੰਗ ਨਾਲ ਹਾਈਵੇਅ ਤੇ ਆਉਣ ਵਾਲੇ ਲੋਕਾਂ ਨੂੰ ਸੁਰਖਿਆ ਪ੍ਰਦਾਨ ਕਰਨ ਦੀ ਕੋਸ਼ਿਸ਼ ਲਈ ਹੀ ਇਹ ਕਦਮ ਚੁਕਿਆ ਜਾ ਰਿਹਾ ਹੈ।
ਯਾਕੂਬ ਬ੍ਰਾਸ (Jacob Bros) ਕੰਸਟ੍ਰਕਸ਼ਨ ਨੂੰ ਕੰਮ ਦੇ ਪਹਿਲੇ ਪੜਾਅ ਲਈ 4.97 ਮਿਲੀਅਨ ਦਾ ਇਕਰਾਰਨਾਮਾ ਦਿੱਤਾ ਗਿਆ ਹੈ। ਪਾਰਕਿੰਗ ਦੀ ਸਹੂਲਤ ਅਤੇ ਸਹੂਲਤਾਂ ਪ੍ਰਾਜੈਕਟ , ਦੂਜੇ ਪੜਾਅ ਵਿੱਚ ਸ਼ਾਮਲ ਹੋਣਗੇ , ਜਿਸਦਾ ਟੈਂਡਰ 2021 ਵਿੱਚ ਕੀਤਾ ਜਾਵੇਗਾ।
ਪ੍ਰਧਾਨ ਅਤੇ ਬੀ.ਸੀ. ਦੇ ਸੀ.ਈ.ਓ ਡੇਵ ਅਰਲ ਨੇ ਟਰੱਕਿੰਗ ਐਸੋਸੀਏਸ਼ਨ ਦੇ ਐਲਾਨਨਾਮੇ ਦੀ ਸ਼ਲਾਘਾ ਕੀਤੀ। ਕੈਨੇਡਾ ਸਰਕਾਰ ਉੱਤਰੀ ਸਰੀ ਟਰੱਕ ਪਾਰਕਿੰਗ ਸੁਵਿਧਾ ਲਈ 13 ਮਿਲੀਅਨ ਡਾਲਰ ਦਾ ਯੋਗਦਾਨ ਦੇਵੇਗੀ, ਬਾਕੀ 17 ਮਿਲੀਅਨ ਡਾਲਰ ਸੂਬੇ ਤੋਂ ਆਉਣਗੇ।