ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਓਟਾਵਾ ਫੂਡ ਬੈਂਕ ਦੇ ਫ਼ਾਰਮ ਵਿੱਚ ਮਨਾਇਆ ਕੈਨੇਡਾ ਦਿਵਸ
ਪਹਿਲਾਂ ਵਰਗੀ ਰੌਣਕ ਨਹੀਂ ਆਈ ਨਜ਼ਰ, ਕੋਰੋਨਾ ਮਹਾਂਮਾਰੀ ਕਾਰਨ ਲੋਕਾਂ ਨੇ ਰੱਖਿਆ ਪਰਹੇਜ਼
ਟੋਰਾਂਟੋ : ਕੋਰੋਨਾ ਮਹਾਂਮਾਰੀ ਦਾ ਅਸਰ ਇਸ ਵਾਰ ਕੈਨੇਡਾ ਡੇਅ ਜਸ਼ਨਾਂ ‘ਤੇ ਵੀ ਪੈਂਦਾ ਸਾਫ਼ ਨਜ਼ਰ ਆਇਆ । ਬੁੱਧਵਾਰ ਨੂੰ ਕੈਨੇਡਾ ਦਾ ਅਧਿਕਾਰਤ ਤੌਰ ‘ਤੇ ਜਨਮ ਦਿਨ ਓਟਾਵਾ ‘ਚ ਪਹਿਲੀ ਵਾਰ ਪੂਰੀ ਤਰ੍ਹਾਂ ਆਨਲਾਈਨ ਮਨਾਇਆ ਜਾ ਰਿਹਾ ਹੈ। ਕੋਈ ਲਾਈਵ ਆਤਿਸ਼ਬਾਜ਼ੀ ਨਹੀਂ, ਪਾਰਲੀਮੈਂਟ ਹਿੱਲ ‘ਤੇ ਰੌਣਕ ਗਾਇਬ ਅਤੇ ਟੂਰਿਸਟਾਂ ਦੀ ਭੀੜ ਨਹੀਂ!
ਕੈਨੇਡਾ ਦਿਹਾੜੇ ‘ਤੇ ਆਮ ਤੌਰ ‘ਤੇ ਓਟਾਵਾ ‘ਚ ਪਾਰਟੀ ਦਾ ਜ਼ਬਰਦਸਤ ਪ੍ਰਬੰਧ ਹੁੰਦਾ ਹੈ, ਹਜ਼ਾਰਾਂ ਵਿਦੇਸ਼ੀ ਤੇ ਘਰੇਲੂ ਸੈਲਾਨੀ ਅਤੇ ਪਰਿਵਾਰ ਇਸ ਨੂੰ ਮਨਾਉਣ ਲਈ ਰਾਜਧਾਨੀ ਆਉਂਦੇ ਹਨ ਅਤੇ ਸ਼ਾਨਦਾਰ ਆਤਿਸ਼ਬਾਜ਼ੀ ਹੁੰਦੀ ਰਹੀ ਹੈ ਪਰ ਇਸ ਵਾਰ ਕੋਰੋਨਾ ਵਾਇਰਸ ਮਹਾਂਮਾਰੀ ਕਾਰਨ ਮਾਹੌਲ ਪੂਰੀ ਤਰ੍ਹਾਂ ਬਦਲ ਚੁੱਕਾ ਹੈ। ਬਹੁਤ ਸਾਰੇ ਜਨਤਕ ਸਮਾਗਮ ਰੱਦ ਕੀਤੇ ਗਏ ਹਨ। ਇਸ ਦਿਨ ਨੂੰ ਮਨਾਉਣ ਲਈ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਓਟਾਵਾ ਫੂਡ ਬੈਂਕ ਦੇ ਫਾਰਮ ਦਾ ਦੌਰਾ ਕੀਤਾ, ਜਿੱਥੇ ਉਨ੍ਹਾਂ ਨੇ ਕਾਲੇ ਮਾਸਕ ਪਾਏ ਹੋਏ ਆਪਣੇ ਪਰਿਵਾਰ ਨਾਲ ਬ੍ਰੋਕਲੀ ਦੀ ਕਟਾਈ ਕੀਤੀ।
To everyone at the Ottawa Food Bank Farm, thank you for making this Canada Day special. And to all Canadians, no matter where you were or what you did, I hope you had fun today. Tomorrow, let’s keep moving forward and building a better future together. Happy Canada Day! pic.twitter.com/fBMfwQqNkZ
— Justin Trudeau (@JustinTrudeau) July 1, 2020
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਬੁੱਧਵਾਰ ਨੂੰ ਕੈਨੇਡੀਅਨਾਂ ਨੂੰ ਸੰਖੇਪ ਭਾਸ਼ਣ ਦਿੱਤਾ। ਟਰੂਡੋ ਨੇ ਕਿਹਾ ਕਿ ਇਹ ਸਾਲ ਬਿਲਕੁਲ ਅਲੱਗ ਹੈ ਪਰ ਨਿਸ਼ਚਤ ਤੌਰ ‘ਤੇ ਇਹ ਪਹਿਲਾ ਮੌਕਾ ਨਹੀਂ ਹੈ ਜਦੋਂ ਸਾਡੇ ਦੇਸ਼ ਨੇ ਇਹ ਦਿਨ ਔਖੇ ਸਮੇਂ ‘ਚ ਮਨਾਇਆ ਹੈ। ਉਨ੍ਹਾਂ ਨੇ ਦੂਜੇ ਵਿਸ਼ਵ ਯੁੱਧ ਦੌਰਾਨ ਕੈਨੇਡਾ ਦਿਵਸ ਦੇ ਪਿਛਲੇ ਸਮਾਰੋਹਾਂ ਦਾ ਹਵਾਲਾ ਦਿੱਤਾ। ਟਰੂਡੋ ਨੇ ਕਿਹਾ, ”ਕੈਨੇਡਾ ਦਿਵਸ ‘ਤੇ ਹੁਣ ਇਹ ਸਾਡੀ ਵਾਰੀ ਹੈ। ਸਾਨੂੰ ਹੁਣ ਇੱਕੀਵੀਂ ਸਦੀ ਲਈ ਕੈਨੇਡਾ ਨੂੰ ਦੁਬਾਰਾ ਖੜ੍ਹਾ ਕਰਨਾ ਤੇ ਉਸਾਰਨਾ ਹੋਵੇਗਾ।”
This Canada Day, volunteers at the Ottawa Food Bank Farm are harvesting vegetables for families in need and showing exactly what it means to be Canadian – thank you! 🇨🇦 pic.twitter.com/ieTcdV9u7k
— Justin Trudeau (@JustinTrudeau) July 1, 2020
The last few months have been hard, but Canadians have been there for one another. This #CanadaDay, let’s celebrate neighbours helping neighbours and what it means to be Canadian. Join in today’s virtual celebrations: https://t.co/vCzGaqv3Rd pic.twitter.com/JrfQuC9H7x
— CanadianPM (@CanadianPM) July 1, 2020
ਵੈਨਕੂਵਰ ਸਾਊਥ ਤੋਂ ਮੈਂਬਰ ਪਾਰਲੀਮੈਂਟ ਅਤੇ ਰੱਖਿਆ ਮੰਤਰੀ ਹਰਜੀਤ ਸੱਜਣ ਨੇ ਕੈਨੇਡਾ ਡੇਅ ‘ਤੇ ਸਮੂਹ ਦੇਸ਼ ਵਾਸੀਆਂ ਨੂੰ ਵਧਾਈ ਦਿੱਤੀ।
Happy Canada Day! I want to send a special message to our @CanadianForces & @NationalDefence team, who’ve gone through hard times this year. Canadians are lucky to have you to protect & defend them. Thank you for all that you do. https://t.co/VFWVM6GCKz
— Harjit Sajjan (@HarjitSajjan) July 1, 2020
ਕੋਰੋਨਾ ਮਹਾਂਮਾਰੀ ਕਾਰਨ ਹਰ ਸੂਬੇ ਵਿੱਚ ਪਹਿਲਾਂ ਵਾਂਗ ਰੌਣਕ ਵੇਖਣ ਨੂੰ ਨਹੀਂ ਮਿਲੀ। ਵੱਖ-ਵੱਖ ਸੂਬਿਆਂ ‘ਚ ਅਲੱਗ-ਅਲੱਗ ਨਿਯਮ ਹਨ। ਓਂਟਾਰੀਓ ਦੀ ਗੱਲ ਕਰੀਏ ਤਾਂ ਇੱਥੇ ਹੁਣ ਵੀ ਜਨਤਕ ਇਕੱਠਾਂ ‘ਤੇ ਸਖਤ ਲਿਮਟ ਲਾਗੂ ਹੈ, ਇੱਕ ਗਰੁੱਪ ‘ਚ 10 ਤੋਂ ਵੱਧ ਲੋਕਾਂ ਨੂੰ ਇਕੱਠੇ ਹੋਣ ਦੀ ਮਨਜ਼ੂਰੀ ਨਹੀਂ ਹੈ। ਇਸ ਤੋਂ ਇਲਾਵਾ ਅਲਬਰਟਾ ‘ਚ ਬਾਹਰੀ ਸਮਾਗਮਾਂ ‘ਚ 200 ਤੱਕ ਲੋਕਾਂ ਨੂੰ ਇਕੱਠੇ ਹੋਣ ਦੀ ਇਜਾਜ਼ਤ ਹੈ। ਹਾਲਾਂਕਿ, ਸੋਸ਼ਲ ਡਿਸਟੈਂਸਿੰਗ ਜ਼ਰੂਰੀ ਹੈ।