channel punjabi
Canada International News

ਕੈਨੇਡਾ ਵਲੋਂ ਲੇਬਨਾਨ ਨੂੰ 5 ਮਿਲੀਅਨ ਡਾਲਰ ਦੀ ਸਹਾਇਤਾ ਦੇਣ ਦਾ ਐਲਾਨ

ਬੈਰੂਤ ‘ਚ ਹੋਏ ਜ਼ਬਰਦਸਤ ਧਮਾਕਿਆਂ ਤੋਂ ਬਾਅਦ ਕੈਨੇਡਾ ਮਦਦ ਲਈ ਆਇਆ ਅੱਗੇ

ਕੈਨਡਾ ਵਲੋੱ ਲੇਬਨਾਨ ਨੂੰ 5 ਮਿਲੀਅਨ ਡਾਲਰ ਦੀ ਸਹਾਇਤਾ ਦਾ ਐਲਾਨ

ਲੈਬਨਾਨ ਨੂੰ ਹਰ ਸੰਭਵ ਮਦਦ ਦਾ ਦਿੱਤਾ ਭਰੋਸਾ

ਕੈਨੇਡਾ ਦੇ ਵਿਦੇਸ਼ ਮੰਤਰੀ ਫ੍ਰਾਂਸਕੋਇਸ – ਫਿਲਿਪ ਸ਼ੈਂਪੇਨ ਨੇ ਕੀਤਾ ਐਲਾਨ

ਬੀਤੇ ਦਿਨ ਬੈਰੂਤ ‘ਚ ਹੋਏ ਧਮਾਕਿਆਂ ਕਾਰਨ 100 ਤੋਂ ਵੱਧ ਲੋਕਾਂ ਦੀ ਗਈ ਜਾਨ

ਮ੍ਰਿਤਕਾਂ ਵਿੱਚ ਕੈਨੇਡੀਅਨ ਨਾਗਰਿਕ ਵੀ ਸ਼ਾਮਲ

ਓਟਾਵਾ : ਬੀਤੇ ਦਿਨ ਲੈਬਨਾਨ ਦੀ ਰਾਜਧਾਨੀ ਬੇਰੂਤ ਵਿਚ ਹੋਏ ਜ਼ਬਰਦਸਤ ਬੰਬ ਧਮਾਕਿਆਂ ਵਿਚ ਸੈਂਕੜੇ ਲੋਕਾਂ ਦੀ ਜਾਨ ਚਲੀ ਗਈ ਜਦੋਂ ਕਿ ਹਜ਼ਾਰਾਂ ਫੱਟੜ ਹੋਏ ਨੇ । ਇਹਨਾਂ ਵਿਚ ਵੱਡੀ ਗਿਣਤੀ ਕੈਨੇਡਾ ਦੇ ਨਾਗਰਿਕ ਵੀ ਹਨ।

ਘਟਨਾ ਤੋਂ ਬਾਅਦ ਹਰ ਪਾਸੇ ਰੋਸ ਦੀ ਲਹਿਰ ਹੈ । ਕੈਨੇਡਾ ਦੇ ਵਿਦੇਸ਼ ਮਾਮਲਿਆਂ ਬਾਰੇ ਮੰਤਰੀ ਦਾ ਕਹਿਣਾ ਹੈ ਕਿ ਮੰਗਲਵਾਰ ਨੂੰ ਹੋਏ ਧਮਾਕਿਆਂ ਤੋਂ ਬਾਅਦ ਕੈਨੇਡਾ ਲੇਬਨਾਨ ਨੂੰ 5 ਮਿਲੀਅਨ ਡਾਲਰ ਮੁਹੱਈਆ ਕਰਵਾਏਗਾ।

ਬੁੱਧਵਾਰ ਸ਼ਾਮ ਨੂੰ ਇਸ ਸਬੰਧ ਵਿੱਚ ਐਲਾਨ ਕਰਦਿਆਂ ਉਨ੍ਹਾਂ ਕਿਹਾ ਕਿ ਅਸੀਂ ਲੈ ਬਨਾਨਾ ਪੂਰੀ ਹਮਦਰਦੀ ਰੱਖਦੇ ਹਾਂ ਸੰਕਟ ਦੀ ਇਸ ਘੜੀ ਵਿਚ ਅਸੀਂ ਉਹਨਾਂ ਦੇ ਨਾਲ ਹਾਂ । ਇੱਕ ਟਵੀਟ ਵਿੱਚ ਫ੍ਰਾਂਸਕੋਇਸ – ਫਿਲਿਪ ਸ਼ੈਂਪੇਨ ਨੇ ਕਿਹਾ ਕਿ ਕੈਨੇਡਾ “ਲੇਬਨਾਨ ਦੇ ਲੋਕਾਂ ਲਈ ਸ਼ੁਰੂਆਤੀ 5 ਮਿਲੀਅਨ ਡਾਲਰ ਦੀ ਮਨੁੱਖੀ ਸਹਾਇਤਾ ਪ੍ਰਦਾਨ ਕਰ ਰਿਹਾ ਹੈ।”

ਸ਼ੈਂਪੇਨ ਨੇ ਕਿਹਾ ਕਿ ਲੇਬਨਾਨ ਰੈਡ ਕਰਾਸ ਨੂੰ ਭੋਜਨ, ਪਨਾਹ ਅਤੇ ਐਮਰਜੈਂਸੀ ਡਾਕਟਰੀ ਸੇਵਾਵਾਂ ਵਰਗੀਆਂ ਜ਼ਰੂਰੀ ਜ਼ਰੂਰਤਾਂ ਪੂਰੀਆਂ ਕਰਨ ਲਈ 1.5 ਮਿਲੀਅਨ ਡਾਲਰ ਦਿੱਤੇ ਜਾਣਗੇ। ਸ਼ੈਂਪੇਨ ਅਨੁਸਾਰ,’ਕੈਨੇਡਾ ਸਥਿਤੀ ਉੱਤੇ ਨੇੜਿਓਂ ਨਜ਼ਰ ਰੱਖਦਾ ਰਹੇਗਾ ਅਤੇ ਢੁਕਵੇਂ ਤੌਰ ‘ਤੇ ਵਾਧੂ ਸਹਾਇਤਾ ਪ੍ਰਦਾਨ ਕਰੇਗਾ।’

ਹੁਣ ਇਸ ਪੂਰੇ ਮਾਮਲੇ ਦੇ ਸਬੰਧ ਵਿੱਚ ਲੈਬਨਾਨ ਦੇ ਵਿਦੇਸ਼ ਮੰਤਰੀ ਨਾਲ ਸੰਪਰਕ ਵਿਚ ਹੋਣ ਦੀ ਗੱਲ ਆਖੀ ।

ਦੱਸਣਯੋਗ ਹੈ ਕਿ ਬੀਤੇ ਦਿਨ ਲੇਬਨਾਨ ਦੀ ਰਾਜਧਾਨੀ ਬੇਰੂਤ ਵਿਚ ਹੋਏ ਜ਼ਬਰਦਸਤ ਧਮਾਕਿਆਂ ਕਾਰਨ 100 ਤੋਂ ਵੱਧ ਲੋਕਾਂ ਦੀ ਜਾਨ ਚਲੀ ਗਈ, ਜਦੋਂ ਕਿ ਹਜ਼ਾਰਾਂ ਹੋਰ ਫੱਟੜ ਹੋਏ ਨੇ । ਧਮਾਕੇ ਬੇਰੂਤ ਦੀ ਬੰਦਰਗਾਹ ਅਤੇ ਕੇਂਦਰੀ ਜ਼ਿਲੇ ਦੇ ਨੇੜੇ ਹੋਏ ਸਨ । ਇਸ ਮੰਦਭਾਗੀ ਘਟਨਾ ਵਿਚ ਕੈਨੇਡਾ ਦੇ ਕਈ ਨਾਗਰਿਕਾਂ ਦੇ ਮਾਰੇ ਜਾਣ ਦੀ ਪੁਸ਼ਟੀ ਹੋਈ ਹੈ।

Related News

ਲਿੰਡਸੇ, ਓਂਟਾਰੀਓ ਦੇ ਨੇੜੇ ਪੁਲਿਸ ਦੀ ਗੋਲੀਬਾਰੀ ‘ਚ ਬੱਚੇ ਦੇ ਪਿਤਾ ਦੀ ਮੌਤ

Rajneet Kaur

BIG NEWS : ਹੁਣ ਜਾਨਸਨ ਐਂਡ ਜਾਨਸਨ ਨੇ ਵੈਕਸੀਨ ਸਪਲਾਈ ‘ਚ ਫਿਲਹਾਲ ਲਈ ਹੱਥ ਕੀਤੇ ਖੜ੍ਹੇ !

Vivek Sharma

ਕੈਨੇਡਾ ਦੇ Nova Scotia ਸੂਬੇ ਨੇ ਦੋ ਹਫ਼ਤਿਆਂ ਲਈ ਬੰਦ ਦਾ ਕੀਤਾ ਐਲਾਨ, ਪੀ.ਐਮ. ਟਰੂਡੋ ਨੇ ਕਿਹਾ ਦੇਸ਼ ਭਰ ਵਿੱਚ ਕੋਰੋਨਾ ਦੀ ਸਥਿਤੀ ਗੰਭੀਰ

Vivek Sharma

Leave a Comment