ਸਪਾਈਸ ਜੈੱਟ ਦੇ ਜਹਾਜ ਨੇ ਦਿੱਲੀ ਤੋਂ ਕੈਨੇਡਾ ਲਈ ਭਰੀ ਉਡਾਣ
ਕੈਨੇਡਾ ਦੇ 352 ਨਾਗਰਿਕ ਫ਼ਲਾਈਟ ਵਿੱਚ ਸਨ ਸਵਾਰ
ਸਪਾਈਸ ਜੈੱਟ ਨੇ ਚਾਰਟਰ ਸੰਚਾਲਨ ਅਧੀਨ ਪਹਿਲੀ ਵਾਰ ਕੈਨੇਡਾ ਭੇਜੀ ਫ਼ਲਾਈਟ
ਕੋਰੋਨਾ ਸੰਕਟ ਦੌਰਾਨ 85000 ਲੋਕਾਂ ਨੂੰ ਉਨ੍ਹਾਂ ਦੇ ਦੇਸ਼ ਪਹੁੰਚਾ ਚੁੱਕਾ ਹੈ ਸਪਾਈਸ ਜੈੱਟ
ਓਟਾਵਾ/ਨਵੀਂ ਦਿੱਲੀ : 350 ਤੋਂ ਵੱਧ ਕੈਨੇਡਾ ਵਾਸੀਆਂ ਨੂੰ ਉਹਨਾਂ ਦੇ ਦੇਸ਼ ਪਹੁੰਚਾਉਣ ਲਈ ਸਪਾਈਸਜੈੱਟ ਨੇ ਵੱਡਾ ਉਪਰਾਲਾ ਕੀਤਾ। ਕੈਨੇਡਾ ਵਾਸੀਆਂ ਲਈ
ਕਿਫ਼ਾਇਤੀ ਜਹਾਜ਼ ਸੇਵਾ ਕੰਪਨੀ ਸਪਾਈਸ ਜੈੱਟ ਨੇ ਚਾਰਟਰ ਸੰਚਾਲਨ ਲਈ ਸ਼ਨਿਚਰਵਾਰ ਨੂੰ ਦਿੱਲੀ ਤੋਂ ਕੈਨੇਡਾ ਦੀ ਆਪਣੀ ਪਹਿਲੀ ਉਡਾਣ ਭਰੀ।
ਏਅਰਲਾਈਨ ਨੇ ਦੱਸਿਆ ਕਿ ਉਸ ਦਾ ਚਾਰਟਰ ਜਹਾਜ਼ ਸ਼ਨੀਵਾਰ ਸਵੇਰੇ 8.10 ਵਜੇ ਦਿੱਲੀ ਦੇ ਇੰਦਰਾ ਗਾਂਧੀ ਕੌਮਾਂਤਰੀ ਹਵਾਈ ਅੱਡੇ ਤੋਂ ਕੈਨੇਡਾ ਲਈ ਰਵਾਨਾ ਹੋਇਆ।
ਇਸ ਉਡਾਣ ‘ਚ 352 ਕੈਨੇਡਾਈ ਨਾਗਰਿਕ ਸਵਦੇਸ਼ ਲਈ ਰਵਾਨਾ ਹੋਏ। ਪਹਿਲੀ ਵਾਰ ਦੇਸ਼ ਦੀ ਕਿਸੇ ਕਿਫ਼ਾਇਤੀ ਏਅਰਲਾਈਨ ਨੇ ਉੱਤਰੀ ਅਮਰੀਕਾ ਲਈ ਉਡਾਣ ਭਰੀ।
ਇਸ ਲਈ ਉਸ ਨੇ ‘ਹਾਈ ਫਲਾਈ’ ਤੋਂ ਏਅਰਬੱਸ ਏ-330-900 ਨਿਓ ਜਹਾਜ਼ ਕਿਰਾਏ ‘ਤੇ ਲਿਆ ਹੈ।
As part of our mission to help stranded passengers get back home, we operated our first-ever flight to North America today, to fly back 352 Canadian nationals and permanent residency holders from New Delhi to Toronto. pic.twitter.com/TIhbwzbI5w
— SpiceJet (@flyspicejet) August 8, 2020
ਸਪਾਈਸ ਜੈੱਟ ਦੀ ਇਸ ਉੜਾਣ ਵਿੱਚ ਕੁਝ ਭਾਰਤੀ ਵਿਦਿਆਰਥੀ ਵੀ ਸ਼ਾਮਲ ਸਨ,ਜਿਹੜੇ ਆਪਣੇ ਕੋਰਸ ਨੂੰ ਪੂਰਾ ਕਰਨ ਲਈ ਕੈਨੇਡਾ ਗਏ।
We're delighted to be able to fly Indian students back to Toronto to help them resume their studies. Here's a couple of friends expressing their gratitude for today's New Delhi – Toronto charter flight by SpiceJet. pic.twitter.com/8hfzdfA00q
— SpiceJet (@flyspicejet) August 8, 2020
ਸਪਾਈਸ ਜੈੱਟ ਦੇ ਮੁਖੀ ਅਤੇ ਪ੍ਰਬੰਧਕ ਨਿਰਦੇਸ਼ਕ ਅਜੇ ਸਿੰਘ ਨੇ ਦੱਸਿਆ ਕਿ ਦੇਸ਼ ‘ਚ ਲਾਕਡਾਊਨ ਲਾਗੂ ਹੋਣ ਤੋਂ ਬਾਅਦ ਏਅਰਲਾਈਨ ਤਕਰੀਬਨ 85 ਹਜ਼ਾਰ ਲੋਕਾਂ ਨੂੰ ਉਨ੍ਹਾਂ ਦੇ ਆਪਣੇ-ਆਪਣੇ ਦੇਸ਼ ਪਹੁੰਚ ਚੁੱਕੀ ਹੈ, ਜਿਨ੍ਹਾਂ ‘ਚ ਵਿਦੇਸ਼ਾਂ ਤੋਂ ਆਉਣ ਵਾਲੇ ਭਾਰਤੀ ਵੀ ਸ਼ਾਮਲ ਹਨ। ਇਸ ਤੋਂ ਇਲਾਵਾ 28 ਹਜ਼ਾਰ ਟਨ ਡਾਕਟਰੀ ਅਤੇ ਹੋਰ ਜ਼ਰੂਰੀ ਸਮੱਗਰੀਆਂ ਦੀ ਸਪਲਾਈ ‘ਚ ਯੋਗਦਾਨ ਦੇ ਚੁੱਕੀ ਹੈ।