ਓਟਾਵਾ : ਕੋਰੋਨਾ ਦੀ ਰੈਪਿਡ ਟੈਸਟ ਕਿੱਟਾਂ ਨੂੰ ਲੈ ਕੇ ਕੈਨੇਡਾ ਦੀ ਸੰਸਦ ਵਿਚ ਵਿਰੋਧੀ ਧਿਰ ਨੇ ਸਰਕਾਰ ਨੂੰ ਤਿੱਖੇ ਸਵਾਲ ਕੀਤੇ। ਇਸ ਸੰਬੰਧ ਵਿੱਚ ਸੰਸਦ ਨੂੰ ਸੰਬੋਧਨ ਕਰਦਿਆਂ ਉਪ ਪ੍ਰਧਾਨ ਮੰਤਰੀ ਕ੍ਰਿਸਟੀਆ ਫਰੀਲੈਂਡ ਨੇ ਭਰੋਸਾ ਦਿੱਤਾ ਕਿ ਅਗਲੇ ਕੁਝ ਦਿਨਾਂ ਵਿੱਚ ਹੀ ਰੈਪਿਡ ਟੈਸਟ ਕਿੱਟਾਂ ਕੈਨੇਡਾ ਦੀ ਸੂਬਾ ਸਰਕਾਰਾਂ ਤੱਕ ਪਹੁੰਚ ਜਾਣਗੀਆਂ । ਉਹਨਾਂ ਦੱਸਿਆ ਕਿ ਪਿਛਲੇ ਹਫਤੇ ਹੀ ਸਰਕਾਰ ਨੇ 7.9 ਮਿਲੀਅਨ ਰੈਪਿਡ ਟੈਸਟ ਕਿੱਟਾਂ ਦੀ ਖਰੀਦ ਦਾ ਸਮਝੌਤਾ ਸਹੀਬੰਦ ਕੀਤਾ ਹੈ।
ਵਿਰੋਧੀ ਧਿਰ ਦੇ ਆਗੂ ਏਰਿਨ ਓ.ਟੋਲੇ ਨੇ ਸਰਕਾਰ ਨੂੰ ਘੇਰਦਿਆਂ ਸੁਆਲ ਕੀਤਾ ਕਿ ਕਰੀਬ ਦੋ ਦਿਨ ਬੀਤਣ ਦੇ ਬਾਦ ਵੀ ਸਰਕਾਰ ਟੈਸਟ ਕਿੱਟਾਂ ਸਬੰਧੀ ਕੁਝ ਵੀ ਸਪਸ਼ਟ ਕਿਉਂ ਨਹੀਂ ਕਰ ਸਕੀ , ਇਸ ਦੇ ਜਵਾਬ ਵਿਚ ਕ੍ਰਿਸਟੀਆ ਫਰੀਲੈਂਡ ਨੇ ਕਿਹਾ ਕਿ ਆਉਂਦੇ ਕੁਝ ਦਿਨਾਂ ਵਿੱਚ ਹੀ ਇਹ ਟੈਸਟ ਸੂਬਾ ਸਰਕਾਰਾਂ ਨੂੰ ਭੇਜ ਦਿੱਤੀਆਂ ਜਾਣਗੀਆਂ।
ਉਧਰ ਸਟੇਟ ਖਰੀਦ ਮੰਤਰੀ ਅਨੀਤਾ ਆਨੰਦ ਦਾ ਕਹਿਣਾ ਹੈ ਕਿ ਕੋਵਿਡ-19 ਦੇ ਰੈਪਿਡ ਟੈਸਟਾਂ ਦੀ ਪਹਿਲੀ ਖੇਪ ਕੈਨੇਡਾ ਪਹੁੰਚ ਚੁੱਕੀ ਹੈ, ਜਲਦੀ ਹੀ ਟੈਸਟ ਕਿੱਟਾਂ ਸੂਬਿਆਂ ਨੂੰ ਭੇਜੀਆਂ ਜਾਣਗੀਆਂ ।
#RapidTests❗️
— Anita Anand (@AnitaOakville) October 21, 2020
Canada has received the first delivery of 100,000 Abbott ID NOW rapid tests, with more on the way. We are on track to receive 2.5 million of the ID NOW tests by year end, with first deliveries of the Abbott Panbio rapid antigen tests also arriving shortly.
ਜ਼ਿਕਰਯੋਗ ਹੈ ਕਿ ਕੈਨੇਡਾ ਨੇ 9.9 ਮਿਲੀਅਨ ਆਈ.ਡੀ. ਨਾਓ ਟੈਸਟ ਖਰੀਦਣ ਲਈ ਐਬਟ ਡਾਇਗਨੋਸਟਿਕਸ ਨਾਲ ਇੱਕ ਸੌਦੇ ਤੇ ਦਸਤਖਤ ਕੀਤੇ, ਜੋ ਕਿ ਕੋਰੋਨਾ ਸਬੰਧੀ ਮਿੰਟਾਂ ਵਿੱਚ ਹੀ ਮੌਕੇ ‘ਤੇ ਨਤੀਜੇ ਦੇ ਸਕਦਾ ਹੈ।
ਆਨੰਦ ਦਾ ਕਹਿਣਾ ਹੈ ਕਿ 100,000 ਟੈਸਟਾਂ ਦੀ ਪਹਿਲੀ ਖੇਪ ਹੁਣ ਹੱਥ ਵਿਚ ਹੈ। ਇਹ ਟੈਸਟ ਕਿੱਟਾਂ ਸੂਬਾਈ ਸਰਕਾਰਾਂ ਨੂੰ ਭੈਜਿਆਂ ਜਾਣਗੀਆਂ । ਪਰ ਆਨੰਦ ਦਾ ਦਫਤਰ ਜਾਂ ਹੈਲਥ ਕੈਨੇਡਾ ਇਹ ਨਹੀਂ ਦੱਸੇਗਾ ਕਿ ਕਿਹੜੇ ਸੂਬੇ ਨੂੰ ਇਹ ਪਹਿਲਾਂ ਮਿਲਣਗੀਆਂ ਜਾਂ ਕਿੰਨੇ ਨੂੰ ਭੇਜਿਆ ਜਾਵੇਗਾ।
ਇਸ ਸਬੰਧ ਵਿੱਚ ਪ੍ਰਧਾਨਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਓਟਾਵਾ ਨੂੰ ਵੀ 800 ਮਿਲੀਅਨ ਤੋਂ ਵੱਧ ਮਾਸਕ, ਦਸਤਾਨੇ, ਗਾਊਨ ਅਤੇ ਚਿਹਰੇ ਦੀਆਂ ਢਾਲਾਂ ਮਿਲੀਆਂ ਹਨ ਅਤੇ ਉਨ੍ਹਾਂ ਵਿੱਚੋਂ 20 ਮਿਲੀਅਨ ਨੂੰ ਇਸ ਮਹੀਨੇ ਵੱਖ-ਵੱਖ ਸੂਬਿਆਂ ਵਿੱਚ ਭੇਜਿਆ ਗਿਆ ਹੈ।
