ਕੋਰੋਨਾ ਦੀ ਦਵਾਈ ਨੂੰ ਲੈ ਕੇ ਅਮਰੀਕਾ ਤੋਂ ਵੱਡੀ ਖ਼ਬਰ ਆਈ ਸਾਹਮਣੇ
ਅਮਰੀਕੀ ਦਵਾਈ ਕੰਪਨੀ ਨੇ ਕੋਰੋਨਾ ਦੀ ਦਵਾਈ ਬਣਾਉਣ ਦਾ ਕੀਤਾ ਦਾਅਵਾ
ਦਵਾ ਦੇ ਦੋ ਪੜਾਅ ਦੇ ਟ੍ਰਾਇਲ ਹੋਏ ਪੂਰੇ, ਤੀਜਾ ਪੜਾਅ ਸ਼ੁਰੂ
ਕੰਪਨੀ ਨੂੰ ਉਮੀਦ ਅਗਲੇ ਮਹੀਨੇ ਤੱਕ ਦਵਾਈ ਆਵੇਗੀ ਬਾਜ਼ਾਰ ਵਿੱਚ
ਵਾਸ਼ਿੰਗਟਨ : ਕੋਰੋਨਾਵਾਇਰਸ ਮਹਾਮਾਰੀ ਨਾਲ ਜੂਝ ਰਹੀ ਦੁਨੀਆ ਲਈ ਇਕ ਚੰਗੀ ਅਤੇ ਰਾਹਤ ਭਰੀ ਖਬਰ ਹੈ। ਹੁਣ ਅਮਰੀਕਾ ਦੀ ਇਕ ਦਵਾਈ ਬਣਾਉਣ ਵਾਲੀ ਕੰਪਨੀ ਇਲੀ ਲਿਲੀ (Eli Lilly) ਨੇ ਐਲਾਨ ਕੀਤਾ ਹੈ ਕਿ ਉਸ ਨੇ ਆਪਣੀ ਕੋਵਿਡ-19 ਦੀ ਦਵਾਈ LY-CoV555 ਦੇ ਤੀਜੇ ਪੜਾਅ ਦੇ ਟ੍ਰਾਇਲ ਦੀ ਸ਼ੁਰੂਆਤ ਕਰ ਦਿੱਤੀ ਹੈ। ਇਸ ਪਰੀਖਣ ਵਿਚ ਅਮਰੀਕਾ ਦੀ ਛੂਤਕਾਰੀ ਰੋਗ ਸੰਸਥਾ ਵੀ ਹਿੱਸਾ ਲੈ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਤੀਜੇ ਪੜਾਅ ਦੇ ਟ੍ਰਾਇਲ ਵਿਚ 2400 ਲੋਕ ਹਿੱਸਾ ਲੈਣਗੇ।
Just announced: Lilly, in partnership with @NIAIDNews & others, will initiate a Phase 3 trial of one of our potential antibody treatments for the prevention of #COVID19 in long-term care facilities. Learn more: Read more: https://t.co/OQTzjG8AMQ pic.twitter.com/0O19vP9U3t
— Eli Lilly and Company (@LillyPad) August 3, 2020
ਇਸ ਅਧਿਐਨ ਵਿਚ ਅਜਿਹੇ ਸੰਕਟ ਵਿਚ ਫਸੇ ਲੋਕ ਅਤੇ ਹਸਪਤਾਲ ਦੇ ਕਰਮਚਾਰੀ ਹਿੱਸਾ ਲੈਣਗੇ, ਜੋ ਹਾਲ ਹੀ ਵਿਚ ਕੋਰੋਨਾ ਤੋਂ ਠੀਕ ਹੋਏ ਹਨ। ਇਸ ਅਧਿਐਨ ਵਿਚ ਹਿੱਸਾ ਲੈਣ ਵਾਲੇ ਲੋਕਾਂ ਨੂੰ ਕੋਰੋਨਾਵਾਇਰਸ ਦੀ ਦਵਾਈ LY-CoV555 ਦੀ ਇਕ ਖੁਰਾਕ ਦਿੱਤੀ ਜਾਵੇਗੀ। ਇਸ ਟ੍ਰਾਇਲ ਦੇ ਦੋਰਾਨ ਕੋਰੋਨਾ ਦੀ ਦਵਾਈ SARS-CoV-2 ਦੇ ਸਪਾਇਕ ਪ੍ਰੋਟੀਨ ਦੇ ਖਿਲਾਫ਼ ਐਂਟੀਬੌਡੀ ਵਿਕਸਿਤ ਕਰੇਗੀ। ਅਧਿਐਨ ਵਿਚ ਕਿਹਾ ਗਿਆ ਹੈ ਕਿ ਕੋਰੋਨਾਵਾਇਰਸ ਇਨਸਾਨਾਂ ਦੇ ਸੈੱਲਾਂ ਵਿਚ ਸਪਾਇਕ ਪ੍ਰੋਟੀਨ ਦੇ ਜ਼ਰੀਏ ਘੁਸਪੈਠ ਕਰਦਾ ਹੈ। LY-CoV555 ਦਵਾਈ ਕੋਰੋਨਾਵਾਇਰਸ ਨੂੰ ਇਨਸਾਨਾਂ ਦੇ ਸੈੱਲਾਂ ਵਿਚ ਦਾਖਲ ਹੋਣ ਤੋਂ ਰੋਕਦੀ ਹੈ।
ਇਲੀ ਲਿਲੀ ਦੇ ਮੁੱਖ ਵਿਗਿਆਨੀ ਅਧਿਕਾਰੀ ਡੈਨੀਅਲ ਸਕੋਵਰੋਂਸਕੀ ਨੇ ਕਿਹਾ ਕਿ ਕੋਰੋਨਾਵਾਇਰਸ ਦਾ ਨਰਸਿੰਗ ਹੋਮ ਵਿਚ ਰਹਿਣ ਵਾਲੇ ਲੋਕਾਂ ‘ਤੇ ਬਹੁਤ ਬੁਰਾ ਅਸਰ ਪੈ ਰਿਹਾ ਹੈ। ਅਸੀਂ ਕੋਰੋਨਾਵਾਇਰਸ ਦੇ ਪ੍ਰਸਾਰ ਨੂੰ ਰੋਕਣ ਲਈ ਬਹੁਤ ਤੇਜ਼ੀ ਨਾਲ ਇਕ ਦਵਾਈ ‘ਤੇ ਕੰਮ ਕਰ ਰਹੇ ਹਾਂ। ਡੈਨੀਅਲ ਨੇ ਕਿਹਾ ਕਿ ਵਰਤਮਾਨ ਮਾਹੌਲ ਵਿਚ ਕਲੀਨਿਕਲ ਟ੍ਰਾਇਲ ਕਰਨਾ ਆਸਾਨ ਨਹੀਂ ਹੈ। ਇਸ ਦੇ ਬਾਅਦ ਵੀ ਅਸੀਂ ਇਸ ਚੁਣੌਤੀ ਨੂੰ ਲੈ ਰਹੇ ਹਾਂ ਤਾਂ ਜੋ ਲੋੜਵੰਦ ਲੋਕਾਂ ਦੀ ਮਦਦ ਕੀਤੀ ਜਾ ਸਕੇ। ਇੱਥੇ ਦੱਸ ਦਈਏ ਕਿ ਦੁਨੀਆ ਭਰ ਵਿਚ ਕੋਰੋਨਾਵਾਇਰਸ ਨਾਲ ਹੁਣ ਤੱਕ ਕਰੀਬ 7 ਲੱਖ ਤੋਂ ਜ਼ਿਆਦਾ ਲੋਕ ਮਾਰੇ ਗਏ ਹਨ। ਕੋਰੋਨਾਵਾਇਰਸ ਤੋਂ ਬਚਾਅ ਲਈ ਦੁਨੀਆ ਭਰ ਵਿਚ ਕੰਪਨੀਆਂ ਵੈਕਸੀਨ ਬਣਾਉਣ ਵਿਚ ਜੁਟੀਆਂ ਹੋਈਆਂ ਹਨ। ਇਸ ਪਹਿਲਾਂ ਰੂਸ ਵੱਲੋਂ ਵੀ ਕੋਰੋਨਾ ਵੈਕਸੀਨ ਬਣਾਏ ਜਾਣ ਦਾ ਦਾਅਵਾ ਕੀਤਾ ਜਾ ਚੁੱਕਾ ਹੈ, ਅਤੇ ਰੂਸ ਵੱਲੋਂ ਇਸ ਵੈਕਸੀਨ ਦੇ ਟ੍ਰਾਇਲ ਜਾਰੀ ਹਨ ।
