ਕੈਨੇਡਾ ‘ਚ ਮਾਸਕ ਨਾ ਪਹਿਨਣ ਤੇ ਕੁੱਟਮਾਰ ਦਾ ਇਕ ਹੋਰ ਮਾਮਲਾ ਆਇਆ ਸਾਹਮਣੇ । ਟੋਰਾਂਟੋ ਦੇ ਇਕ ਸਟੋਰ ‘ਚ ਇਕ ਨੌਜਵਾਨ ਬਿਨ੍ਹਾਂ ਮਾਸਕ ਪਹਿਨੇ ਆਇਆ ਸੀ ।ਜਿਸਨੂੰ ਇਕ ਵਿਅਕਤੀ ਨੇ ਮਾਸਕ ਨਾ ਪਹਿਨਣ ਦਾ ਕਾਰਨ ਪੁਛਿਆ। ਇਨ੍ਹੇ ਨੂੰ ਹੀ ਨੌਜਵਾਨ ਹਿੰਸਕ ਹੋ ਗਿਆ ਅਤੇ ਦੂਜੇ ਵਿਅਕਤੀ ਦੇ ਮੁੰਹ ‘ਤੇ ਮੁੱਕਾ ਮਾਰਿਆ ‘ਤੇ ਮੌਕੇ ਤੇ ਫਰਾਰ ਹੋ ਗਿਆ।ਪੀੜਿਤ ਨੇ ਦਸਿਆ ਕਿ ਉਸਦੇ ਕੁਝ ਦੰਦ ਵੀ ਟੁੱਟ ਗਏ ਹਨ। ਜਿਸ ਤੋਂ ਬਾਅਦ ਟੋਰਾਂਟੋ ਪੁਲਿਸ ਸ਼ੱਕੀ ਨੂੰ ਫੜਨ ‘ਚ ਜਨਤਾ ਤੋਂ ਮਦਦ ਦੀ ਮੰਗ ਕਰ ਰਹੀ ਹੈ।
ਇਹ ਘਟਨਾ 18 ਸਤੰਬਰ ਰਾਤ 9 ਵਜੇ ਦੀ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਇਕ ਵਿਅਕਤੀ ਡਾਨ ਮਿਲਜ਼ ਅਤੇ ਗੇਟਵੇਅ ਬੁਲੇਵਰਡ ਖੇਤਰ ‘ਚ ਇਕ ਸਟੋਰ ਦੇ ਅੰਦਰ ਸੀ ਜਦੋਂ ਦੁਸਰਾ ਵਿਅਕਤੀ ਬਿੰਨ੍ਹਾਂ ਮਾਸਕ ਪਹਿਨੇ ਸਟੋਰ ਅੰਦਰ ਆਇਆ। ਜਿਸਤੋਂ ਬਾਅਦ ਸਾਰੀ ਘਟਨਾ ਵਾਪਰੀ।
ਪੁਲਿਸ ਨੇ ਦਸਿਆ ਕਿ ਸ਼ੱਕੀ ਵਿਅਕਤੀ ਤਕਰੀਬਨ 23 ਸਾਲ ਦਾ ਹੈ। ਉਸਦਾ ਕੱਦ ਲੰਬਾ ਅਤੇ ਕਾਲੇ ਵਾਲ ਹਨ। ਆਖਰੀ ਵਾਰ ਉਸਨੇ ਭੂਰੇ ਰੰਗ ਦੇ ਕਪੜੇ ਪਹਿਨੇ ਹੋਏ ਸਨ। ਪੁਲਿਸ ਦਾ ਕਹਿਣਾ ਹੈ ਕਿ ਉਹ ਦਾਰੀ ਭਾਸ਼ਾ ਬੋਲਦਾ ਸੀ।
ਪੁਲਿਸ ਨੇ ਕਿਹਾ ਹੈ ਕਿ ਜੇਕਰ ਕਿਸੇ ਕੋਲ ਜਾਣਕਾਰੀ ਹੋਵੇ ਤਾਂ ਉਹ ਇਸ 416-808-5500 ਨੰਬਰ ਤੇ ਸਪੰਰਕ ਕਰਨ ।
